Box Office-ah Thor bawk a chungnung

Thor : Ragnarok chu sum lakluh tam lamah khum thei an la awm lo a, Box Office-ah pakhatna a ni leh ta. Thor hian hun eng emaw chen chu pakhatna a hauh tawh a, a sumlak luh pawh a tam tham hle.

Superhero film hian kar liam ta chhung khan $mtd 56.6 zet a lalut leh a, a la hit rem rem rih hle. October 10 khan tlangzarh a ni a, US leh khawvel hmun dangahte sum a hailut hnem tawh hle a ni. He film siam nana an budget chu $mtd 180 a ni a, a sum lakluh tawh zawng zawng chu $mtd 655.8 zet a tling tawh. A changtute pawh an duai lo a, Chris Hemsworth leh Tom Hiddleston tihte an ni nawk.

Box Office-a pahnihna chu Daddy's Home 2 a ni a, a sum lakluh zat chu $mtd 30.0 a ni. Murder On The Orient Express chuan $mtd 28.2 lalutin, pahnihna nen an sum lakluh a inthlau lo hle. A Bad Moms Christmas pawhin $mtd 11.5 lai a la lalut thei a, Jigsaw chu sum la lalut tam pangana a ni.

Blade Runner 2049 pawh sum lalut tam 10 zingah a tel ve leh a, a sum lakluh tawh zawng zawng chu $mtd 248 zet a tling tawh a ni.

1. Thor : Ragnarok - $mtd 56.6
2. Daddy's Home 2 - $mtd 30.0M
3. Murder On The Orient Express - $mtd 28.2M
4. A Bad Moms Christmas - $mtd 11.5M
5. Jigsaw - $mtd 3.4M
6. Tyler Perry's Boo 2! A Madea Halloween - $mtd 2.1M
7. Geostorm - $mtd 1.5M
8. Blade Runner 2049 - $mtd 1.4M
9. Happy Death Day - $mtd 1.3M
10. Lady Bird -$mtd 1.2M