Qatar World Cup-ah Jungkook inlan dawn!

BTS member, Jungkook chu karleh lawka ṭan nei ṭan tur, Qatar World Cup hawnnaah a perform dawn tih nemngheh a ni ta.

Tournament ṭan zan, November 20-ah ennawm ropui khuhhawngtu zingah hian Jungkook hi a inlan ang. Kumin World Cup hian sawiselna a tawk nasa hle a, rampawn aṭanga stadium sa tura hnathawka chhawr mi 15,000 chuang zet an thih bakah, Qatar hian dan khauh tak kengkawhin, mahni anpui kawpte thlawpna lam lantir a khap.

BTS official Twitter account chuan thuchhuah siamin, Jungkook chu Pathiannia opening ceremony-a inlan tur leh, tournament official soundtrack-ah zai tura thlan a ni, a ti. India aṭangin Nora Fatehi chu a inlan dawn bawk a, ani bakah zaithiam langsar Shakira, Black Eyed Peas, Dua Lipa, JBalvin leh Patrick Nnaemeka Okorie te pawh inlan tura chhawpchhuah an ni.