Khiangte Construction Ṭhazual Gospel A chung berah Arini 'Mala awm loh hmunah'

Khiangte Construction Ṭhazual Gospel chart thar berah R Lalrinmawii chu 'Mala awm loh hmunah' hmangin pakhatnaah a rawn inhlangkai e.

Gospel hymn lar ber te zinga mi hi American singer, Mosie Lister-a'n kum 1955-a a phuah 'Where no one stands alone" tih hla aṭanga lehlin a ni.

Kum 2016-a 'Praise On' mal zai intihsiaka lawmman pakhatna dawngtu, a zai thiam zia leh aw chak zia inhrilh nawn ngai lo, Arini Ralte chuan mawi taka rawn sa chhuakin, chart chung bera awm pawh a phu hle. He hla letlingtu hi Vanlalkima Sailo niin, music hi Fela, Durtlang siam a ni. Recording hi Masky records-ah tih niin, video leh editing hi Chiangtea Videography kutchhuak a ni thung.

Zomuani leh Gracy ten an dawt Ṭhaz u a l Aw a rd sem zawh taka Best group duo Gospel dawngtu, One In Christ member Zomuani P a c h u a u single, 'Malsawmhlu vangin' chu pahnihnaah a rawn invawrh chho a, Gracy VL Pachuau hlasak 'Nova lawng' chu parukna aṭangin pathumnaah a rawn inhlangkai bawk.

Chart a hla lang dangte Lalremsiami (Nunui) hla 'Krista Nen' chuan hma rawn sawn zelin palina a ni ta a, panganaah hian Ṭhazual Award 'Best Female Artist Gospel' dawngtu, Cindy Lalthanpuii 'Kanan ram nuam' a rawn lang bawk. Mahruaii C h h a k c h h u a k, Lalrempuii Hnamte, Rosangzuali Khiangte, Dinai C. Lalruatdiki, R. Lalbiaksanga-te chu top 10-a rawn inhlangkai te an ni.