2022 MTV EMA-ah Taylor Swift a bawr haw ber!

MTV European Music Awards 2022 chu Dusseldorf, Germany-ah nimin zing khan sem chhuah niin, Swifties-ten krismas urlawkna thilphek an dawng a, eng dang ni loin Taylor Swift chuan category pali, best video, best artist, best pop leh best longform video-ah te lawmman dawngin ani aia trophy pawm haw hnem an awm lo.

Minute 10-a rei music video 'All Too Well' vangin category thar 'best longform video'-ah trophy a la a, he video hi film anga a direct hmasak ber a nih thu sawiin Swift chuan "Hla phuah ang bawkin film siam hi ka thawnthute puanchhuahna ṭha tak a ni," tiin fi lm siam lamah kan hmuh chhoh zel a beiseiawm viau.

Hip-hop superstar Nicki Minaj, French electronic DJ David Guetta leh Korean boy band Seventeen-ten trophy pahnih ṭheuh an dawng.

Harry Styles tan pakhat chauh!
British pop star Harry Styles chu kumina MTV EMA-ah hian nomination pasarih hmuin, heng zingah category lian pathum best artist, best song leh best video-ahte nominee a ni a, a ni aia nomination hmu hnem an awm lo, mahse show a zawh meuh chuan trophy pakhatah a lungawi a ṭul thung.

English band, Muse chuan 'Best rock artist' an dawng a, an trophy dawn chu an zalenna suala bei mek tu, Ukraine mipui leh Iran hmeichhiate tan an hlan thu an sawi.

LalalaLisa leh khawchhak unaute 
BLACKPINK Lisa chuan best K-Pop  trophy dawngin, Blackpink chuan PUBG Mobile in-game concert vangin best metaverse performance an dawng.

Fans nei ṭha ber, biggest fans category aṭangin BTS chu thlanchhuah an ni. MTV EMA Generation Change award chu  Ukrainian activists hmeichhia pathum, Lina Deshvar, Anna Kutova leh Anfi sa Yakovina te'n dawngin, Russia-in an ram an run avanga chhawmdawlna leh ṭanpui ngaite an enkawlna avanga fak hlawh hnenah hlan an ni.

Kumin EMA hi Rita Ora leh ' or: Love and  under' director Taika Waititi te'n an co-host a, ram 170 chuangah pekchhuah a ni.