Tunge DJ Candice Redding?

December 1 hian Aizawl khawpuiah DJ lar Candice Redding a inlan dawn a, a nghahhlelhawm tawh hle.

Candice Redding hi South African mi niin, India ramah a inbengbel thung. Music lamah a tui hle a, electronic music producer a ni. DJ a nihna hi a larpui ber zawk chu a ni a, sulhnu ṭha tak tak a lo hnutchhiah tawh. DJ lar tak tak - Martin Garrix, Steve Aoki, Dimitri Vegas & Like Mike, Kygo leh midang eng emaw zat chu music a lo play pui tawh ṭhin a ni. DJ Candice hi Su­nburn Festival, VH1 Supersonic, EVC, Axe Boat Party, Nat Geo's Wild Wild Fest, Oktoberfest, Bengaluru Food Festival, Summer Splash Festival leh Muzik-ahte a lo inlan tawh a, film lamah pawh a duai lo hle a, Bollywood-ahte pawh a lo inlan tawh ṭhin a ni.

Hetianga sulhnu nei ṭha tak hi Aizawl khawpuiah ngei mai a perform dawn a, music lama tui mi tan chuan hmaih phal chi a ni lo. Mizorama a vawi khatna turin December 1-2 hian Annual International Electronic Music Festival, 'Femme Razzmatazz' chu Lammual-ah nghah a ni dawn a, International DJ - Candice Reddign leh Poland mi Nina Suerte te an inlan dawn a ni.