Twilight-a chan vanga lawm Kristen Stewart

Kristen Stewart chuan 'Twilight' film-a a chang thei kha a inchhuan thu leh, nuam a tih thu a sawi.

Twilight-ah hian Kristen Stewart hi Robert Pattinson nen an chang dun a, an inhmeh hle. Stewart chuan, "Twilight-a ka inlan avang khan sang takah ka awm phah a, keimaha theihna awm pho chhuahin a awm a ni. Sulhnu ṭha tak hnutchhiahtu zinga ka tel kha ka inchhuang a, min duhsakna avangin lawmthu ka sawi a ni" a ti. Kum 27 mi Stewart chuan sawi zawmin, ''Part tin kha nuam ka ti em em vek a, tun thleng hian khang hun lai kha ka ngaihtuah chhuak fo ṭhin" tiin Twilight an chan laite a ngaihtuah ṭhin thu E! News interview-ah a sawi.