Black Panther: Wakanda Forever Rin lawk ang ngeiin a hlawhtling!
Marvel Studios leh Disney kutchhuak, Black Panther: Wakanda Forever chu rin lawk ang ngeiin box office lamah a che ṭha hle. Ryan Coogler-a direct, Wakanda Forever hian November 11-13 inkar khan, US bikah USD mtd 180 chuang lalutin, khawvel pumah USD mtd 330 chuang a lalut bawk a, hun eng emaw ti chhung box office lamah film sum lalut tam an awm loh hnuah Black Panther chuan hlawhtlinna a rawn chang ta a ni. Kum 2018-a tihchhuah 'Black Panther'-a a changtupa Chadwick Boseman chu cancer vangin August 2020 khan a thi a, Boseman role an zah zia lantirna atan amah thlaktu an la lo a, chuti chung chuan a la hlawhtling hle tho a ni.
Black panther hi Hollywood film zinga mihang rual channa hmasa ber a ni a, khawvel huapa culture thlak danglam tu tihte in an sawi hial. He film hi a bikin mihang zingah a tla na hle a, khawvel puma box office aṭangin USD tld 1.34 chuang a lalut tawh a ni.
November thla film tlangzarh zinga sum lalut tam ber
November thlaa sum lakluh tam lam record lo chelhtu chu kum 2013-a tihchhuah 'The Hunger Games: Catching Fire' (USD mtd 158.1) chu a khum a, The Twilight Saga: New Moon (USD mtd 142.8), The Twilight Saga - Breaking Dawn: Part 2 (USD mtd 141), The Twilight Saga - Breaking Dawn: Part 1 (USD mtd 138.1) leh Frozen 2 (USD mtd 130.3)-te chu hemi thlaa sum lalut tam zualte an ni.
Dah hniam theih loh Marvel Cinematic Universe
MCU hian an film siamte an hlawhtlinpui ṭhin hle a, chumi tichiangtu chu film tlangzarh kara sum lalut tam zual 15 zinga pakuate chu an kutchhuak a ni. Covid-19 hripui len hnua sum lakluh tam lamah pawh No Way Home (USD mtd 260) leh Doctor Strange in the Multiverse of Madness (USD mtd 187) chauh a phak lo a ni.
Wakanda Forever hian rampawn aṭangin USD mtd 150 chuang lalut mah se, film hmasa zawkin USD mtd 100 chuang a lakluhna China-ah erawh beisei a phak lo a. Ukraine nena an indo avangin Russia ramah pawh studio film-te chu pekchhuah an ni lo. Kumina tlangzarh kara sum lakluh tam lamah pahnihna niin, Multiverse of Madness chiah a phak lo.
Box office top 5
1. Black Panther - Wakanda Forever
2. Black Adam - USD mtd 8.6
3. Ticket to paradise - USD mtd 6.1
4. Lyle, Lyle Crocodile - USD mtd 3.2
5. Smile - USD mtd 2.3