Qatar World Cup-ah Dua Lipa inlan dawn lo

Dua Lipa chuan November 20 zana Qatar-a World Cup hawnnaah a perform dawn lo tih a puang. Kum 27 mi, British zaithiam chuan mihringte dikna zah thiama ngaipawimawh ṭhinte ramah chauh a zai tur thu a sawi a, Qatar hi ramdang mi hnathawk leh mahni anpui kawpte chunga hleihluak taka an chetna avangin demna pawh a tam phah hle.

Lipa chuan,"Qatar-a World Cup opening ceremony-ah ka inlan dawn tih thawm tam tak ka hria. Ka zai dawn lo a, zai tura inbiakna pawh kan nei hek lo," tiin, "Awmhmun aṭangin England tan theihtawpin ka ṭang dawn a, World Cup thleng thei tura thlan tlin an nih tirha mihringte dikna vawnhim kawngah a intiamnate an tihhlawhtlin hunah Qatar tlawh hun a la awm mahna," tiin Instagram-ah a sawi.

Lipa hi zaithiam lar zingah Qatar-a perform duh lo awmchhun a ni lo. A hmain Sir Rod Stewart chuan USD mtd 1 hlawha zai tura an sawmna chu a lo hnarsak tawh bawk a ni. LGBTQ+ community lam thlawp nia sawi Footballer hmingthang David Beckham chu event ambassador-a a ṭan avangin pound mtd 10 pek a ni tih report-a awm mek a, hei vang hian sawisel a tawh phah nasa hle.