American Music Award-ah BTS-in lawm an hlawh
Kumtina sem ṭhin American Music Award chu Pathianni zan khan sem a ni leh ta a, show-ah hian a vawi khat nan South Korean boyband, BTS chu an inlan a, lawm an hlawh hle. Award semna hi Microsoft Theater, Los Angeles-ah neih a ni.
BTS hian an hla hit 'DNA' chu an sa a, entu mipui thawm a ṭha kher mai. BTS hi tleirawl zingah an tla na a, kum upa lam pawhin an lawm lo bik lo tih a chiang. 'DNA' hi an hlawhtlinpui viau a, Billboard Hot 100-ah pawh a lang phak a ni. BTS hi US lamah hmuh tur an awm zui dawn a, 'The Ellen DeGeneres Show' ah an inlan leh dawn a, November 29 hian live concert an nei bawk ang.
American Music Award-ah Niall Horan chu 'New Artist of the Year' atan thlan a ni a, 'Artist of the Year' award dawngtu chu Bruno Mars a ni.
'Despacito' lar zia kan sawi ṭhin a, tun ṭumah pawh he hla satu Luis Fonsi, Daddy Yankee leh Justin Bieber-te chuan 'Collaboration of the Year' award an dawng. 'Despacito' hian award a dawng hnem ta malh malh hle.
'Favorite Female Artist' chu Lady GaGa niin, a ni hi award sem zan hian a inchei maksak leh hle. Linkin Park chu 'Favorite Artist' atan thlan niin, Alternative Rock Award hlan an ni. Shawn Mendes pawh mit titlaitu zinga mi a ni a, Selena Gomez-i perform pawh a hmuhnawm a, entu mipui tihlimtu ber pakhat a ni.
Award semnaah hian zaithiam tel an ṭhahnem hle a, Pink leh Kelly Clarkson-te chu an perform dun a, Ciara leh Demi Lovato te pawh an inlan. 2017 American Music Award-a lawm hlawh bera chhal ngam erawh legendary singer Diana Ross a ni. Ross hi 'Lifetime Achievement Award' hlan a ni a, a perform nghal bawk. Barack leh Michelle Obama te chuan Diana Ross hi lawmpuina thu an thawn nghe nghe a ni.
American Music Awards 2017 Winner
Artist of the Year - Bruno Mars
Favorite Soul/R&B Album · Bruno Mars - 24K Magic
New Artist of the Year - Niall Horan
Favorite Pop/Rock Female Artist - Lady Gaga
Favorite Electronic Dance Music Artist - The Chainsmokers
Favorite Rap/Hip-Hop Album · Kendrick Lamar - Damn
Favorite Soul/R&B Album · Bruno Mars - 24K Magic
Favorite Latin Artist - Shakira
Favorite Pop/Rock Male Artist - Bruno Mars
Favorite Rap/Hip-Hop Artist - Drake
Favorite Alternative Rock Artist - Linkin Park
Favorite Pop/Rock Group - Imagine Dragons
Favorite Soul/R&B Female Artist - Beyoncé
Favorite Country Male Artist - Keith Urban
Favorite Country Album · Keith Urban - Ripcord
Favorite Soul/R&B Male Artist - Bruno Mars
Favorite Country Female Artist - Carrie Underwood
Favorite Country Band/Duo/Group - Little Big Town
Video of the Year · Bruno Mars - That's What I Like
Favorite Song - Soul/R&B · Bruno Mars - That's What I Like
American Music Lifetime Achievement Award - Diana Ross
Favorite Song - Country · Keith Urban - Blue Ain't Your Color
Favorite Song - Rap/Hip-hop · Justin Bieber, DJ Khaled, Lil Wayne - I'm the One
Favorite Song - Pop/Rock · Justin Bieber, Luis Fonsi, Daddy Yankee - Despacito (Remix)