MIZO FILM AWARD 2017

Mizoram Film Pro­motional Society leh Department of Infor­mation and Public Relations ṭang­kawp chuan November 24, Zirtawp zan dar 7:00 hian Hawla Auditorium-ah 'Mizo Film Award 2017' an sem dawn.

Award semna hunah hian entertain­ment program eng emaw zat a awm dawn a, Mizo film ngaihlutu zawng zawngte chu tel tura sawm an ni. Kum 1996 khan AFADCO Ltd. te huahawtin Mizo Film puala Award hmasa ber chu semchhuah a lo a ni tawh a, a hnuah MFPA-in ṭum thum lai an lo sem ve tawh bawk.

Kum 2012 khan Mizoram sorkar chuan Information and Public Relations Department chu Visual Arts Nodal Department atan a ruat a, hemi hnu hian film industry lamah chak zawka hma lak a ni.

Film Production leh Acting chung­changahte training buatsaihin, film in­siam­siakte pawh neih ṭhin a ni. Depart­ment hmalakna hian rah ṭha chhuah zelin tunah hian hmasawnna tam tak hmuh tur a lo awm ta a ni.

He Award atan hian Feature film 20, Documentary Film 13 leh Short film 3 a lut a, hengte hi Jury atan ruat mi pariatin an endik dawn a ni. Award sem zanah hian luh man a awm dawn lo a ni.