Hollywood Walk of Fame-ah Christina Applegate

American actress, Christina Applegate chu November 14 khan Hollywood Walk of Fame-ah a hming tarlan a ni ve ta. Emmy winner, Applegate hi kum 2020 khan Walk of Fame-ah hian lakluh tura tih ni mah se, Covid-19 hripui leng avangin a huna tak lakluh theih a ni lo. 

Kum 2021 khan Netflix comedy, “Dead to Me” season hnuhnung ber an chan laiin thluak leh spinal cord (central nervous system) natna, MS diagnosis a nei mek tih Twitter-ah a puang a, hei vang hian vantlang hmuhah hun rei tak chhung chu a inlan theih loh bakah ceremony-ah pawh hian tiang hawl chungin a inlan a ni. Podium-a thu a sawi chhung pawhin a thiannu Sagal chuan a dipui a ni.

Applegate chuan, "Khawvelah hian ka fanu aia ngaihhlut ka nei lo. Zingtin i bula awma school-a ka thlah thei che hi malsawmna a ni," tiin hnukulh takin a fanu chu hun harsa ber a tawn lai pawha amah ṭanpuitu a nih thu a sawi.