YouTuber subcriber ngah ber MrBeast

MrBeast chuan YouTuber subscriber ngah ber ni ṭhin, PewDiePie chu lehpelin, individual content creator zingah ani aia subscriber ngah an awm lo. Mr Beast hian nimin thleng subscriber maktaduai 112 chuang a nei tawh a ni.

Google based platform, YouTuber zinga ṭhang chak ber hi kumin July thla khan subscriber mtd 100 a nei tling. YouTube-a a thiltih ṭhin tlangpui chu comedy, entertainment, vlogs, gaming leh reaction-te bakah midang tana luangchhuak ṭhin, Philanthropist a ni. Tunah chuan hun rei tak chhung content creator zinga subscriber ngah ber ni ṭhin Swedish creator, PewDiePie chu a lehpel a ni," tiin esports news website Dexerto chuan a tarlang.

Forbes-in a tarlan danin, kum 24 mi hian nikum khan YouTube aṭangin USD mtd 54 a lalut. Chawhrualin thlatin USD mtd 5 ang vel a lalut a, content creator zingah ani aia sum hailut hnem an awm lo. LADbible tarlan danin, 'How I gave away 1,000,000,' tih video tihchhuahah MrBeast chuan a sum hailuh dan chungchangte tarlangin, company tam takin a hnenah pawisa an donate ṭhin thu a sawi.