Breakthrough Artist Award dawng tur Camila Cabello

Billboard chuan Camila Cabe­llo hnenah Breakthrough Artist Award an hlan dawn. He thu puan a nih rual hian Kelly Clarkson chu Home Powerhouse Award dawng tura thlan a nih thu tarlan a ni a, Kehlani pawhin Rule Breaker Award a dawng dawn bawk.

Billboard hian kum tina an neih ṭhin award hrang hrang semna hun an buatsaih leh dawn a, award dawng thei tur hming eng emaw zat puan a ni tawh. Music khawvela mi hlawhtling tak takte chu chawimawi an ni dawn a, award ngaihhlut hlawh ber pakhat Breakthrough Artist award dawng tur hian Fifth Harmony member hlui, Camila Cabello chu thlan a ni. Camila hian Fifth Harmony chhuahsan mah se, a hlawhtling viau.

Billboard chuan Selena Gomez chu Women of the Year atana thlan a nih thu an lo puang tawh a, a ni pawh hi chawimawi tur zinga hming langsar a ni.

Billboard Award hi November 30 hian Los Angeles-ah sem a ni ang.