David Cassidy a fam ta

American singer leh actor ni bawk, David Cassidy chu kum 67 mi niin Thawhlehni zan khan a boral.

David Cassidy hi music khawvelah a mikhual lo hle a, kum 1970 chho vel khan a vanglai a hmang a ni. Kar liam ta khan a taksa lamah harsatna a tawh vangin Florida-a Hospital pakahatah dahluh a ni a, Thawhlehni zan khan a thi a ni.

Cassidy hi TV show 'The Partridge Family' aṭanga larchhuak a ni a, a hnuah band angin an kal zui a, khawvel hmun hrang hrang an fang. Kum 1970 chho khan 'The Partridge Family' hi a lar hle a, family band tia sawi ṭhin an ni. An hla 'I Think I Love You' tih chuan Billboard Hot 100-ah pakhatna a hauh phak hial. Studio leh live album an tichhuak bawk.

Cassidy ngaisangtute chuan fan club an din a, a lar vanglai hian The Beatles leh Elvis Presley te ai pawhin zuitu a ngah zawk hial niin an sawi.

A thih thu hi a darh chak hle a, music khawvela mi langsar tak takin an ui thu hi an sawi a ni.