Tetea Renthlei MV thar tur"Bam leh raw'! Sek! Sek!"

Youth Icon 2019 Top 8, Lalramhlua Renthlei (Tetea Renthlei) chuan a Official Music Video hmasa ber, "Bam leh raw'! Sek! Sek!" chu a tichhuak dawn ta. He hla hi Myztic Sailo phuah niin a produce nghal. Music & Recording hi Nunzemawia (Venghlui) niin, Master Arrangement hi Myztic Sailo a ni. Video hi BS Pictures kutchhuak a ni a, Storyboard & Director of Videography hi Myztic & BS Pictures Combination a ni. Music Video-ah hian professional model : Sylvia Venpuii, VL Hriatpuii leh Lalnunpuii (Nunu-i) te hmuh tur an awm dawn a, Mizo Dance Camp ten an pui bawk.

Tetea Renthlei hian Youtube lamah English hla cover a lo nei nual tawh a, rimawi lamah a mikhual lo hle. Music Video hi MDM Library ah dah luh fel ni tawhin, hun rei lo te hnuah Zonet Cable TV ah hmuh theihin a awm dawn a, MDM Official YouTube Channel-ah Inrinni zan Dar 8 hian tihchhuah a ni ang.