Vawiinah Hilltalk Writers meet

Hilltalk Literary Fo­rum bultumin vawiin hian SCERT Auditorium, Aizawl-ah 'Hilltalk Writers Meet' neih a ni dawn.

Vawiina meet neih turah hian India ram huap pawha thu leh hla lama mi hriat hlawh tak tak - Mamang Dai (Itanagar), Robin Ngangom (Shil­­long), Monalisa Chang­kija (Dimapur), Guru Ladakhi (Gangtok), Ananya S. Guha (Jorhat), Tashi Chophel (Gangtok), Lalnunsanga Ralte (Shillong), Arundhati Su­bramanian (Mumbai) leh Medha Singh (N Delhi) te an tel dawn a ni. Anni bakah hian tualchhung

aṭangin Mizo English poet - Dawngi Chawngthu, Zualteii Poonte, Cherrie L. Chhangte, Mona Zote leh Mafaa Hauhnar-te'n hun an hmang dawn bawk.

Kum 2013, January thla khan 'Hilltalk : Northeast Writers' Meet' chu Aijal Club-ah hlawh­tling takin hman a lo ni tawh a ni. Tun ṭuma thu leh hlaa in­pawl­hona hunah hian ṭhangthar, ziaktu chawrno zawkte tan hun leh hmun siamsak a ni leh dawn a, 'The Future of Northeast Wri­ting in English' tih thupui hmangin panel discussion neih a ni nghal dawn bawk.