R&B singer B. Smyth a thi

R&B musician B. Smyth, a hming tak Brandon Smith chu Thawhlehni khan kum 28 mi niin chuap lam natna, pulmonary fibrosis vangin a thi.

A thih thu hi a unaupa Denzil chuan Instagram kaltlanga tarlangin, a unaupa B. Smyth chu a chuap lamin hna a thawh ṭhat tawk tawh loh avanga thawklamah harsatna tawka boral zui a nih thu lungchhe takin a sawi.

B. Smyth hi YouTube-a a hla dah te, "Might Cuff You," "Ride Good," "Creep," leh "Leggo" aṭangte'n miin an hmelhriat chho ṭan a, rimawi khawvela rapper hmingthang 2 Chainz leh Future-te pawh a lo thawhpui tawh a ni.