Chris Hemsworth-an lemchan chawlhsan rih dawn

Thor chuan a tuboh thlauhthlain lemchan lam a chawlhsan rih dawn tih a sawi. Chris Hemsworth chuan genetic test chi hrang hrang a neih hnuah, a upat lamah Alzheimer neih theihna chance sang tak a nei tih an hmuhchhuah chuan amah pawh a ṭhawng hle a, film chan lam chawlhsanin a nupui Elsa Pataky leh an fate kum 10 mi India leh kum 8 mi phir Tristan leh Sasha-te bulah hun tam zawk hman a tum thu a sawi.

Chris hian National Geographic docuseries 'Limitless' an chan laiin a nun her danglam dawrh thei tawngin natna khirh tak tawk thei dinhmuna a ding tih a hriat veleh thi turin a la inpeih lo tih a sawi a ni. November 17-a Vanity Fair-in an kawmnaah, "Ka fate leh chhungte kan ngaihtuahna a sang hle a, an ṭhang chaka enkawltu mamawha an awm laiin kei chuan movie dang ka chan san zel a ni," tiin, "Kan hriat hma hauhin kum 18 an ni anga, kan in aṭangin an chhuak dawn a, ka ngai dawn a ni," tiin a hun ṭhate film buaipui tawh loin a chhungte kianga hman a tum tawh tih a hrilh.