Harry Styles leh Olivia Wilde ten an inkar titawp?

Harry Styles leh Olivia Wilde-te chu kum hnih dawn an inzui hnuah an inkar chu an titawp tih khawthlang media-te chuan an tarlang tlat mai. Harry leh Olivia-te hi January 2021-a "Don't Worry Darling" tih film an channa aṭangin an inkarah thawm a rawn awm ṭan a, tunah hian Harry chu tour neiin a zin kual mek. Olivia erawhin a hna thil leh a kawppui hlui, Jason Sudeikis nena an fa, Otis (8) leh Daisy (6) enkawlin a hun tam zawk a hman avangin inhmuhna hun an neih theih loh avanga an inkar hi titawp ta niin an sawi.

Page Six chuan Harry leh Olivia inkarah hian inhuatna emaw intihthiam lohna emaw a awm loh thu an tarlang a, Harry-an a kawppuite zinga a zui rei ber anih bawk avangin inzawmna thuk tak an nei tih a rinawm bawk.

October thla khan, Harry leh Olivia-te chuan an inkar sawi nghing dawt thei khawp thuthang dawngin, Olivia leh a kawppui hlui Jason-a te nau awmtu chuan tun aia a lar theihnan Olivia chuan Harry hi a kawp thu leh, Harry tan eiturte a siamsak ṭhin thute a sawi.

Olivia leh Jason-te chuan thuchhuah inṭawm siamin, thudik lo a nih thu leh, thla 18 chhung kan an chhungte, hmangaihte leh thawhpuite lakah hmingchhe thei ang bera siam a tumna chuan a tawp a thleng ta, tiin an sawi a ni.