Pathian rinchhanin damdawi ka thlah a; Damna ka chang : Mali

Praise On 2022 Branch KṬP Mal zai intihsiaka pakhatna, Malsawmdawngzuali (Mali) chuan harsatna tam tak paltlangin taksa hrisel lo tak chungin Pathian rinchhana a damdawi eilai a thlah thu leh, a hnuah damna a chan nghal thu Vanglaini a hrilh.

Mali hi Pachhunga Universtity College-a 5th Semester a kal laiin a nih chak tak Nurse training tura a tlin avangin Apollo School of Nursing-ah a zirna chhunzawm turin a kal a, kar hnih hnu velah taksa lamah chak lohna hrang hrang avangin thla thum chhung vel che thei loin a awm a, kum 2019 kum tluan khan damdawi-in leh a chenna inah inenkawlnan a hun tam zawk a hmang. Mahse a harsatna chu paltlangin Pathian rinchhana damna a chan thu a sawi. Intihsiaknaa a tel chhunga an veng ṭawiawmnaah lawm thu leh, intihsiakna a tel chhungin tisa leh thlarauah hlawkna ṭhahnem tak a chan thu a sawi.

Mali hi KṬP General Conf. Champhaia neihah khan a lo inlan tawh bawk a ni.

Kumthar project atan Music Video a buaipui tur thu leh Glorify 2022-ah zai tura a inpuahchah mek thu Vanglaini a hrilh.