MDM-in Praise On 2022 top-3 te lawmpuina hlan

Music Domain Mizoram chuan nimin khan Praise On 2022 (Solo Competition) Top-3 te hnenah lawmpuina Citation leh pawisa fai an hlan a, zaithiam intihsiaknaa hlawhtlinna changte thinlung takin an lawmpui tak zet thu an sawi.

He hun hi MDM Office Chanmari-ah neih niin, MDM President Pu R. Lalbiaksanga'n kaihruaiin hunserh a hmang nghal. Praise On 2022 Top-3 te Pathian hnena hlanna leh malsawmna a dilsak bawk a ni.

Praise On 2022 Mal zai intihsiaka pakhatna, Malsawmdawngzuali'n fuih an ngaihna laia fuih zel turin MDM hruaitute hnenah a chah a, an pathum aiawhin lawmthu a sawi bawk. Praise On top 3-te hi Glorify 2022-ah an inlan vek dawn a, pathumna R. Lalnuntluangi chuan kuminah music video thar tihchhuah hman ngei a tumin hmalakna a kal mek tih Vanglaini a hrilh. Fuihna leh lawmpuina thu ṭha tak tak MDM hruaitute hnen aṭangin ngaihthlak a ni bawk.

Lawmpuina thilpek an hlan te:
Malsawmdawngzuali, Tlangnuam West
Lalramnunmawii, Durtlang
R. Lalnuntluangi, Laipuitlang