Royal Variety Performance-ah Prince William leh Middleton

Royal Variety Performance chu kar kalta Zirtawpni khan Palladium Theatre-ah buatsaih a ni a, he huna inlan zingah hian Prince William leh Kate Middleton te an tel.

Royal Variety Performance hi kumtin neih ṭhin a ni a, British Royal Family tan bika buatsaih a ni. TV show anga kalpui ṭhin a ni a, Royal Variety Charity tana sum tuakna a ni. He hun hi a hlimawm zawnga hman ṭhin niin, comedy, music, dance, magic leh thil dangte buatsaih a ni a, milar sawm ṭhin an ni bawk.

Hetih lai hian Duke and Duchess of Cambridge te hi report dik lo darh avangin darkar khat zetin an thlen hun tur tih khawtlai sak an ni. Police-te chuan Oxford Street leh a chheh velah silai chelek an awm niin thu an dawng a, fimkhur thilah an thlen hun tur hi tih khawtlaisak an ni. Prince leh Kate te hian lawm an hlawh hle a, show tihmuhnawm tu ber pakhat an ni. Kate hian an fa pathumna tur a pai leh mek a ni.

He hunah hian Prince Harry leh a bialnu Meghan Markle-te pawh an inlan bawk.