HONTRADE ṬHAZUAL Lengzem ; A zawna ṭum li pakhatna luah thei Feli Fanai

Hontrade Ṭhazual Leng­zemah Feli Fanai chuan a zawn­in ṭum li zet pakhatna a hauh ta.

Feli hian a hla hit 'Phei­chheh­mawi I khai ang aw' a hlawh­tlinpui zel a, chart-ah dinhmun sang ber a luah rei ta hle. 'Pheichhehmawi I khai ang aw' tih hla hi tlangzarh a nih aṭanga chart tihchhuah hmasak berah pathumna ni nghal a, pahnihna-ah chho lehin, tun hi a thleng ta a ni. Chart-a pakhatna a zawna ṭum li hauh theih hi a na mai lo hle a, mipui lamah a tlana hle tih a chiang a ni. A hla hi Myztic Sailo phuah niin, video hi Roar video Production kut chhuak a ni a, a hmuhnawm hle.

Tun ṭuma pahnihna hauhtu chu Josephine Lalawmpuii niin, Kimkima chu pathumnaah a awm. Kim­kima hi chart hmasa lamah khan parukna niin, hma a rawn sawn chak viau a ni. A hla lungkuai tak mai 'Sarah, I zunzam' hi pakhatna a nihpui thei a ngem tih chu hriat chakawm tak a ni. Youtube lamah pawh thlir a hlawh a, tun laia lengzem hla lar bel pawl a ni mek. Zorinzuali Khiangte pawhin pakhatna a lo nihpui tawh 'Lunglen a na' tih hla hmangin tun ṭumah hian pali-na a hauh a, panga-na chu Sangkimi Khiangte a ni. Henry Lalmalsawma Renthlei leh Thiamchantira te pawh a sang zingah kan hmu leh a, HT Lalthanzami chuan pen khatin hma a rawn sawn a, pa­riatna a ni. Top 10-ah DJ-i a lang zui lo a, hmel thar Sena Hlawndo kan hmu thung. 'Ka star number one' tih hla hmangin Malsawmtluanga chuan hnu a khar a ni.

Hontrade Ṭhazual Lengzem top 10
1 Feli Fanai - Pheichhehmawi I khai ang aw
2 Josephine Lalawmpuii - Ka tlin tawk
3 Kimkima - Sarah, I zunzam
4 Zorinzuali Khiangte - Lunglen a na
5 Sangkimi Khiangte - RM I hmangaihna
6 Thiamchantira - Kir an rel lo
7 Henry Lalmalsawma Renthlei - Run hmun leng ila
8 HT Lalthanzami - Ka hmangaih che asin
9 Sena Hlawndo - Chhingmittui
10 Malsawmtluanga - Ka star number one