Jack Dorsey-a'n Covid-19 don nan $mtd 10 pe

Twitter CEO, Jack Dorsey chuan coronavirus-testing organization, CORE (Community Organized Relief Effort) hnenah $maktaduai 10 a pe.

CORE hian kar nga chungin US state-a mipui chen tam berna, California khuaah mi 1,00,000 vel chu hri an kai leh kai loh a enfiah tawh. Atlanta leh Detroit khuaah-te pawh hma an la tawh bawk a, New Orleans leh Navajo Nation-ah pawh hri kai enfiahna beihpui hi thlak leh an tum.

Thla hmasa khan Dorsey hian a company, Square kaltlangin $tluklehding­awn 1 chu Covid-19 dona atana hman turin a lo pe tawh bawk a,  Rihanna leh Jay-Z-te nen thawk hoin $mtd 6.2 an lo thawh tawh bawk a ni.