Drake-a'n UK chart-a thunun

Canadian rapper Drake chuan lungphum ropui tak a phum leh ta a, UK chart- Single Chart leh Album Chart-ah a vawi thumna atan pakhatna a hauh leh ve ve.

UK Singles Chart top 100-ah hian Drake chuan a hla, 'Toosie Slide chu kar 4 chhungin pakhatna a nih pui a, Album Chart top 100-ah hian May 1-a a thlangzarh tak a mixtape album, 'Dark Lane Demo Tapes' chu pakhatna a nihpui leh bawk a ni.

Kum 2016 May thla leh kum 2019 July thla khan Drake chuan UK Single leh Album chart-ah pakhatna a lo hauh tawh bawk.

Dua Lipa album 'Future Nostalgia' chu Album Chart-a pakhatna nilai a ni a, 'Dark Lane Demo Tapes' hmang hian Drake hian a nek chhuak a ni.