Prince Harry leh Meghan Markle te an inhual

Prince Harry leh Meghan Mar­­kle te chu an inhual ta a, an in­­hual thu hi official-a puan a ni tawh.

Prince Harry leh American actress Meghan Markle te hi Kensington Palace, London-ah an inhual a, an inhual thu hi Thawhṭanni khan puan a ni. An inhualna zungbun hi diamond hmanga siam a ni a, Princess Diana hriatrengna atan tih a ni. Nakkum lamah an innei dawn a, a hun leh ni erawh puanzar a la ni lo. Harry leh Markle te hi kum 2016 aṭang khan an inzui ṭan a, an inzui chhuak pawh hmuh tur an awm fo a ni.

Markle-i hi Buckingham Palace-ah pawh a lo inlan tawh a, Prince Harry hian Queen Elizabeth hnenah pawh a lo inhmelhriattir tawh a ni. Tun hnaia Royal Variety Performance-ah pawh khan an lo inlan dun tawh bawk.

Harry hian kum 33-na a hmang mek a, a kawppui tur Markle-i erawh kum 36 mi a ni tawh thung.