Time Magazine 'Person of the Year' tur tunge?

Time magazine chuan kum tina an lo tih ṭhin angin, "Person of the Year" an thlang leh dawn a, December 6 khian puan a ni ang.

US President Donald Trump chu "Person of the Year" atan hian a kum zawnin thlan a ni dawn niin thu a thang. Trump chuan, "Time Magazine lam aṭangin hriattirna ka dawng a, 'Person of the Year' ka nih theih thu leh, interview bakah, photo shoot neih a rem leh rem loh min rawn zawt a ni. Mahse official-in puan ala ni lo a, 'mai thei' tih chauh a nih avangin ka lo hnar a ni" tiin Twitter-ah a tarlang.

Trump bakah hian Hillary Clinton hming pawh sawi lan a ni. Anni pahnih bakah hian American actress Julia Louis-Dreyfus, Mark Hamill leh Lance Bass te chu Time Magazine 'Person of the Year' dawng thei tura sawilan an ni. Donald Trump hi nikum khan Time Magazine 'Person of the Year' atan thlan a lo ni tawh a, a kum zawna dawng thei turin a dinhmun a ṭha hle a ni.