Robert Downey vangin Hulk lemah Ruffalo a chang

Avengers-a Hulk/Bruce Banner lema hnehsawh taka chang Mark Ruffalo chuan Robert Downey Jr. vangin Marvel Cinematic Universe (MCU) a zawm tih leh The Avengers-a a inlan thu a sawi.

Mark Ruffalo hi kum 2012 aṭang khan MCU-a mi pawimawh tak a ni tawh a, Jimmy Fallon chat show-a a inlanaah a Hulk lema chang tur hian a tirah chuan a hlauh thu a sawi.

"Ka hmaa mite'n thiam takin an chang tawh tih ka hriat avangin eng thil nge ka belh leh tawh chuan dawn ka hre lo a ni. Indie movie-ah chiah ka la chang ṭhin a, chumi avang chuan hemi atan hian mi dik ka ni em tih ka hre lo a ni," a ti. The Avengers director Joss Whedon chuan Hulk-a chang tura an mi duk tak a nih thu a lo hrilh tih a sawi bawk. Chumi hnu chuan Downey Jr chuan a rawn call nia sawiin a rilru a hneh ta tih a sawi a ni.