Fan vannei bikin Jonas Brothers party pui thei dawn

Pop band Jonas Bro­thers chuan an tualzawlah 'barbecue' leh 'dance party' buatsaih an tum a, hetah hian an fan vannei bik pakhat chu a tel ve thei dawn.

Nick, Joe, leh Kevin-te hi milar zinga All-In Challenge pawm tharlam ber an ni a, hei hi hripui leng dona kawnga hmalakna tura sum peipunna tur a ni.

Joe Jonas chuan "#ALLIN­CHALLENGE kan pawm a ni! bbq party kan buatsaih dawn," tiin social media-a post a siam hnuaia link-a luta tihtur ti zinga fan vannei ber chu an party-ah chuan a tel ve ang. Chu mi vannei chenna chu Jonas Brothers-te hian an tlawh ang a, chibaite an buk hnuah an party-ah chuan tel ve turin an hruai dawn a ni.

Joe hian YouTuber David Dobrik, British musician Lewis Capaldi, leh Lewis Hamilton-te chu All-In Challenge-a tel tur hian a cho nghal bawk. Anni pawh hian eng emaw chu an ti leh ngeiin a rinawm.

All-In Challenge hi April 14 aṭanga inṭan khan niin No Kid Hungry, Meals on Wheel leh America's Food Fun tana siam a ni. Chris Evans, Kim Kardashian, Snoop Dogg, Ariana Grande, Shawn Mendes leh midang eng emaw zat chuan $mtd 32 chuang an hmu chhuak tawh a ni.