Kendall leh Booker a rukin thla khat liam ta khan inṭhen

Kendall Jenner leh Devin Booker-te chuan an hnathawhna avangin duh anga tam hun an hman dun theih loh hnuah thla khat liam ta khan an lo inṭhen der tawh niin People chuan a tarlang.

Kum 26 mi, Phoenix Suns guard Booker chu NBA season khel lai a ni a, kum 27 mi Kardashian star hi a eizawnna 818 tequila line leh modeling career lamah a buai hle bawk. An eizawnna dah pawimawh zawk an thlan avanga inṭhen an nih thu leh, an inkarah inhuatna awm loin inzahtawn tak chungin a ṭha thei ang berin an inthlah tih a tarlang.

Kendall leh Booker-te hi kum 2020 aṭang khan an inzui ṭan a, mahse kum 2021 Valentines day aṭang chauhin mipui hmuhah an inngaihzawnna hi an tilang. Tun hi an inṭhen vawi khatna a ni tawh lo a, June thla khan an inṭhen thu a lo darh chiam tawh a, hei erawh an pha ve ve thung. Kum hnih zet an inzui hnuah tunah chuan official takin an inṭhen tih nemngheh a ni ta a ni.