Victoria Secret Fashion Show a pui

Victoria Secret Fashion Show chu a ṭum khatna atan Asia-ah nghah a ni a, China chuan a thleng a ni. Show hi China khawpui Shanghai-ah neih a ni a, top model 55 an inlan.

Victoria Secret Fashion Show hi live-a pekchhuah a ni lo a, November 28 aṭang khan TV lamah pek chhuah a ni. Show-ah hian khawvela model lar leh hlawh hnem rual an inlan a, thlir manhla tak a ni. Model rual karah hian R&B singer Miguel, One Direction member hlui Harry Styles, Chinese singer Jane Zhang leh Leslie Odom Jr. te an inlan bawk. He huna inlan tura tih Katy Perry chu China sorkarin visa a pek duh loh vangin a inlan thei lo thung.

Model inlan zingah hian Candice Swanepoel, Bella Hadid, Adriana Lima, Lily Aldridge, Karlie Kloss, Stella Maxwell leh Martha Hunt te chuan lawm an hlawh zual hle. He show-a vawi eng emaw zat lo inlan tawh Candice a hmuhnawm leh a, a pian leh hmelin a zir em avangin Bella Hadid chu mite thlir rawn ber pakhat a ni bawk. Adriana Lima chu Sanghai-a inlan zingah hian a tel leh a, he show-ah hian kan hmu zui tawh dawn lo thung.

Fashion show ngaihhlut ber en tur hian mi ṭhahnem tak an pung khawm a, show neihna kawtah hian a tawp thlengin mi sang chuang zet an zi nuaih nuiah a ni.