Vawiin aṭangin Royal Stag Aizawl Rock Fest ticket a lei theih dawn

December 8 khian Bawngkawn Field-ah Royal Stag Aizawl Rock Fest 2017 a awm dawn a, vawiin chhun dar 12aṭangin ticket a tlawmin a lei theih dawn.

Rock Fest-ah hian Guns N roses official Tribute Band, Guns 2 Roses te an inlan dawn a, London aṭangin Aizawl an rawn pan dawn a ni.

Ticket pangngai hi Rs.500/- tur a ni a, amah­erawhchu Decem­ber 1 (Inrinni) thlengin Rs. 300/-in a lei theih dawn. Ticket hi Rock Fest neihna hmun tur Bawngkawn Field mil tawka siam a ni.

December 3 (Thawhṭanni) aṭangin Rs.500/- mana hralh chhuah a ni dawn a, VIP ticket Rs.1,000 lei tur a awm bawk a, hei hian parking a keng tel nghal a ni.

Ticket hi Lawma Enfield (Sikulpuikawn), ZOfood (Hnam Run bul), Syska Showroom (Zarkawt), Y 2 Goal (Chanmari), BHHO (Chanmari) leh Immanuel Store Bawng­kawn Brigade Peng-ahte lei theih a ni.

Rock Fest hi Tri­bute vek a ni dawn a, Mizo­ramah chuan tribute hlang concert awm vawi­ khatna tur a ni ang. He hunah hian Scavenger Project leh Tribal Power te pawh an inlan dawn a ni.