Box Office Justice League ngam loh Coco

Box Office-a roreltu chu Coco a ni a, kar hmasa lama pakhatna Justice League chu sum lakluh tam lamah a rawn khum a ni.

Animation film Coco hian kar liam ta chhung khan $mtd 49 a lalut a ni. October 27 khan Mexico-ah tlangzarh a ni a, $mtd 53.4 zet a la lut. Hemi hnu hian US lamah chhuah ve leh niin, a hit rih hle. Justice League chuan $mtd 40.7 zet a la lalut tho a, sum lalut tam pahnihna a ni. Wonder chu pathumnaah awmin, hun eng emaw chen pakhatna lo luah tawh Thor: Ragnarok chu palina a ni. Thor: Ragnarok hi October 10 khan tlangzarh niin, a sum lakluh tawh zawng zawng chu maktaduai 759 zet a tling tawh.

Box Office Top 10
1. Coco - $mtd 49
2. Justice League - $mtd 40.7
3. Wonder - $mtd 22.3
4. Thor: Ragnarok - $mtd 16.8
5. Daddy's Home 2 - $mtd 13.3
6. Murder on the Orient Express - $mtd 13
7. The Star - $mtd 6.9
8. A Bad Moms Christmas - $mtd 5
9. Roman J. Israel, Esq - $mtd 4.5
10. Three Billboards Outside Ebbing, Missouri - $mtd 4.4