Prince Harry leh Meghan Markle inneih hun tur a hriat ta

British lal tupa Prince Harry leh a bialnu Meghan Markle te inhual thu chu Thawhṭanni khan puan a ni a, tunah chuan an inneih hun tur leh hmun tur pawh puan a ni ta. Nakkum May thla khian an innei dawn a, an inkutsuihna hmun tur hi St. George's Chapel, Windsor Casstle a ni. St George's Chapel hi United Kingdom-a chapel changtlung ber zinga mi a ni a, mi 800 vel len theihna a ni. He hmun hi Bristish lal chhungkuaten nupui pasal an lo neih fo tawhna a ni.

Meghan thalak paih turin ti
British lal tupa nupui meuh ni tur chuan kawng engkimah fimkhur a ngai a ni mahna, Queen Elizabeth II (Elizabeth Alexandra Mary) chuan Harry leh Markle te an inhual thu puan a nih hnu khan, internet lama Markle-i thlalak duhdak vak lo te chu paih turin a hriattir niin an sawi. American actress hian ruak deuh thawa thalak te pawh a lo nei nual a ni awm a, British lal chhungkua zingah a tel dawn tak vangin heng hi hmuh tura a awm reng a rem lo a ni. Queen Elizabeth hian heng thalakte hi internet aṭanga paih a nih theih nan dan hre mi pawh a ruai niin khawthlang media-te chuan an tarlang.