Covid vaccine lak duh loh vangin Ice Cube-a'n USD mtd 9 hloh

Ice Cube chuan Covid-19 vaccine a lak duh loh avangin a film chan tur a chan phah a, USD mtd 9 a hloh niin a sawi.

'Million Dollaz Worth of Game' podcast-ah hemi chungchang hi sawiin, Cube chuan 'Bad Trip' filmmaker Kitao Sakurai siam, Sony Pictures hnuaia comedy 'Oh Hell No' -a a chan tak loh chhan a sawi. He film-a chang turte zawng zawng hi Covid vaccine la vek tura phut an ni a, "Vaccine lak ka duh loh vangin movie hi ka lo hnar a ni," a ti. A hnuah sawifiah lehin, USD 9 a hlawh theihna tur hi a hnar lo a, mahse vaccine a lak ve loh avangin project aṭang hian nawr chhuah a ni tih a sawi leh.

He film siam tur hi Ice Cube a awm tel tak loh avangin tihkhawtlai a ni a, eng hunah nge an ṭan dawn tih pawh sawichian a ni lo. Sony lam hian Ice Cube thlaktu tur hi an la puang lo bawk.