Metal Hall of Fame-ah Twisted Sister

American heavy metal band Twisted Sister band chu nakkum hian Metal Hall of Fame-ah lakluh an ni ve leh dawn.

Nakkum January 26 hian California-a Agoura Hills-a Canyon Club-a 6th Annual Metal Hall of Fame Charity Gala-ah Dee Snider, Jay Jay French, Eddie Ojeda, Mark Mendoza, leh an drummer tih tawh A.J. Pero-te chu metal genre lama an thawh hlawk em avangin Hall of Fame-ah lakluh a ni dawn a ni.

Metal Hall of Fame ceremony hi fan-te pawhin an chhim thei dawn a, lakluh a nih hnuah Meet & Greet with Snider programme buatsaih a ni bawk ang. Metal Hall of Fame-a lakluh zingah hian Anthrax, Ronnie James Dio, Lemmy Kilmister, Judas Priest, Scorpions, Doro Pesch, Stryper, Marty Friedman-te pawh an lo tel tawh. Kum 2023-a lakluh tur dang pawh hi puan belh an la ni thuai ang.