Google-a zawn hlawh ber Amber Heard

Kumin hian mipui ngaihven hluai theih tur thleng a awm chho ta nual mai. Chung zinga pakhat chu Hollywood actor Johnny Depp-a'n a nupui hlui Amber Heard a khinna thubuai kha a ni awm e.

CelebTattler-in a tarlan danin, kum 36 mi lemchanthiam Heard hi Hollywood A-lister zingah kum 2022-a zawn hlawh ber niin, thlatin mi maktaduai 5.6 chuangin an zawng ṭhin tih a tarlang. Milar 150 chuang an zirchiannaah Johnny Depp chu pahnihna niin, thlatin mi mtd 5.5 velin an zawng ṭhin nia chhut a ni bawk.

September 8-a kum 96 mi nia thi ta, Queen Elizabeth II chu pathumnaah awmin, thlatin mi mtd 4.3 chuangin Google kaltlangin an zawng ṭhin a ni.

NFL star Tom Brady chuan search mtd 4.06 neiin palinaah a awm a, SKIMS founder Kim Kardashian chuan mtd 3.4 neiin Met Gala-a Marilyn Monroe gown a rawn hak khan mite ngaihven a hlawh zual phah a, panganaah a awm. A bialpa hlui Pete Davidson chuan thlatin search 3.2 neiin parukna a ni.

Tunhnaia chanchin ngah tak, Twitter CEO thar Elon Musk chuan thlatin Google search mtd 3.9 neiin pasarihnaah a awm bawk.