A vawi khatna'n 'Selpink' hmaichhanah inhmukhawm

Kum 2020, Covid-19 hripui len laia 'Ice cream' music video a hranpa ve vea an shoot hnuah, Selena Gomez leh Blackpink-te chu Born Pink tour-ah a vawikhatna atan an inhmu ta.

Gomez chuan Jisoo, Rosé, Jennie leh Lisa-te nena an thlalak hona hi Instagram-ah a rawn tarlang a, caption-ah “Selpink chillin,” tih chu hmangin social media a luahkhat hneh nghal hle. Fan-te chuan ‘Selisa’ thawhdunna engtikah kan hmuh theih ang tih zawhna zawtin, Lisa leh Selena chu hla buaipui dun turin an ngen zui bawk.

Jisoo chuan, "BLINKs-te nen kum thum zet tour naah kan inhmuh tawh loh hnuah, in mi hmangaihna leh phurna te chu a la ngai reng mai! BLINKs-te Europe-ah hmuh leh cheu kan chak tawh hle," tiin BLINKs hnena lawmthu sawina a tichhuak.

Blackpink hian North America lamah show an neih zawh tak avangin Europe lamah tour kick off leh tur in an inbuatsaih mek. November 30 leh December 1 hian London-ah show hi an nei ṭan nghal dawn a ni.