Zorro lemah Tom Holland?

Antonio Banderas chuan "Zorro" film an siam leh dawn a nih chuan lo kir leh turin a inpeih reng thu a sawi a, amah aiawhtu tur an ruat dawn a nih chuan “Uncharted,” film lama a chanpui Tom Holland chu Zorro lemah hian a inhmeh hle dawn nia a hriat thu a sawi zui bawk.

Comicbook.com-in an kawmnaah, Banderas chuan Tom Holland chu Uncharted film an chan dun lai pawhin tleirawl tha za leh hlim thei tak a nih thu leh, a acting style nen a inhmeh hle dawna a hriat thu a sawi.

Banderas hian kum 1998 aṭang khan “The Mask of Zorro,” chu a chang ṭan a, original Zorro Don Diego de la Vega leh Catherine Zeta-Jones-te nen an lo inlan tawh a ni.