Khiangte Construction Ṭhazual Gospel-ah Cindy Lalthanpuii "Kanan ram nuam" pakhatna

Khiangte Construction Ṭhazual Chart thar berah Cindy Lalthanpuii'n mawi taka a sak "Kanan ram nuam" chu chart chung berah a rawn inhlankaipui.

Ṭhazual Award Best Female Artist, Cindy-i hian he hla hi a YouTube channel-ah mipui thlir theih turin a dahchhuak tawh a, thlirtu pawh an pung chak sawt hle. Mizo in khawhar hla kan neih zinga mawi leh sak hlawh ber pawl hi nung takin a rawn sa chhuak leh thei a, a aw milpui tak hla a thlang thiam ṭhin hle. He hla hi hranghlui zaithiam rual, The Redemtion Singers chuan an lo sa tawh a, tunah Cindy-i hian mawi takin music tunlai zawk nen a rawn tharthawh leh a ni. He hla hi"Where the soul never dies" tih aṭanga lehlin niin, Mizo ṭawnga lettu hi Dulpuia a ni a, video hi RDS Shots kutchhuak a ni thung.

Zomuani Pachuau leh Nunui an rawn lang e
One In Christ member, Zomuani Pachuau single 'Malsawmhlu vangin' pawhin hma a rawn sawn chak hle a, pahnihnaah a rawn invawrh chho tawh a ni. Ronald Sangtea hlaphuah, Nunui'n thiam taka a sak 'Krista nen' chu top 3-ah hian a rawn inhlangkai bawk.

Chart-a hla lang dang te:
Mahruaii Chhakchhuak hla thar 'Zalenna dar' chu palinaah awmin, Pensy leh Andrew-te thawhdunna 'Krista ka nei' pawhin hun rei lote chhungin pangana a rawn ni nghal der mai. Lalrempuii Hnamte, R. Lalbiaksanga, Rosangzuali Khiangte, Dinai C. Lalruatdiki leh Sailo Lalsangzuali-te chu top 10-a hla lang dangte an ni.