Balenciaga chungah Kim K a lungawi lo

High-end luxury fashion house, Balenciaga brand ambassador Kim Kardashian chuan tunhnaiah hunpui chhoa an campaign-na pakhat, bondage gear hmanga naupangin teddy bear bag an ken avanga a lungawi loh thu puangin, hemi hnu hian Balenciaga chuan an brand account aṭangin an campaign-na pawh chawp leh chilhin an titawp ve nghal.

"Tun hnai hian thawm ka rawn nei lo viau, a chhan chu Balenciaga campaign vanga ka thinrimna lam ni loin, engtiang takin nge heng thil hi a thlen theih tih an team-te zawhfiah ka duh vang a ni," tiin realtiy star chuan a sawi. Sawi chhunzawmin, "Fa palite nu ka nihna angin, heng thlalakte hian min chawk buai hle a ni. Naupangte himna hi kan dah pawimawh ber tur a ni a, naupang tihduhdahna lam hawi zawng hi kan khawtlangah thil pangngai angin kan lantir tur a ni lo," tiin Kim chuan Balenciaga nena an thawhdunna chu uluk taka a ngaihtuah tur thu leh, an ngaihdam dilna chu a pawm thu a tarlang.

Thawhlehni khan luxury fashion house chuan social media lamah dodalna leh lathlatura ngenna a tam avangin naupangin teddy bear bag kenga an campaign-na pawh chu an la thla zui bawk a ni.