UK chart-ah ‘Anti-Hero’ aia chungnung an awm lo

Taylor Swift studio album 10-naa a hla chuam, 'Midnights' chu UK chart lamah chungnung berin lehthal thei an la awm lo.

'Anti Hero' hi Midnights album-a Taylor Swift-in track a tihchhuah hmasak ber a ni a, Official U.K. Singles Chart-ah stream mtd 5.2 chuang zet a nei. Olivia Rodrigo-in November 1, 2021-a “Good 4 U” hla kar nga zet pakhatna a lo nihpui tawh chu khumin, hmeichhia solo artist zingah chuan tunhnaiah a ni tluk zo an awm lo a tih theih.

UK chart-ah Taylor aia cham rei thei la awmchhunte chu Encanto hla, “We Don’t Talk About Bruno” (kar sarih), LF SYSTEM “Afraid To Feel” (kar riat), Harry Styles “As It Was” (kar 10)-te chauh an ni.

Hetihlai hian, Meghan Trainor chu “Made You Look” hmangin pathumnaah a rawn inhlangkai.

Krismas dawn hnaih apianga chart lama kan hmuh ṭhin Mariah Carey hla hit, “All I Want For Christmas Is You” pawh 18 naah a rawn lang tawh bawk. Krismas hla dang, Wham “Last Christmas” leh Ed Sheeran ft Elton John “Merry Christmas” pawh top 40-ah hian an rawn lang a ni.

Kumin chu Krismas hnaihah World Cup an khelh mek avangin mipui thinlungah football lam hawi hlate pawh a tla na hle. David Baddiel, Frank Skinner leh the Lightning Seeds ten England football team chawhphurna atana an sak, 'unofficial' England football anthem “Three Lions (It’s Coming Home For Christmas).” chu 20-na a ni.