The Daily Show With Trevor Noah lamah Will Smith a inlan leh ta! "Hei hi ka nihna dik tak a ni lo," - Smith

Online lama thuchhuah ṭhahnem tak a siam hnu leh, vantlang hmuhah hun rei tak a inlan loh hnuah, Thawhṭan zan khan Will Smith chu a historical drama "Emancipation" tilar tura a campaign kalzelah “The Daily Show With Trevor Noah” lamah a inlan. Smith chuan Oscar sem zana thil thleng chu a vawi khatna atan mipui hmaah sawichhuakin, kha zana thil thleng kha pawi a tih thu sawi lehin, "Hei hi ka lan duh dan a ni lo," tiin Chris Rock chunga a chetdan chu a nihna diktak pholang tu a ni lo tih a sawi.

"In lo hmuh ang khan ka tan chuan zan hrehawm tak a ni. Danglamna hmuh har tak leh thil chip chiar inphum ru a awm. Mahse a tawpah chuan ka nunphung ka hloh a ni," tiin,"Kha zan khan thil enge maw tak ka tawng a, ka mizia piah lam thil thleng in hmuh phah a ni. Naupangte ka nih laia ka pain ka nu kut a thlak lai hmu ṭhin ka ni a, chu chuan kha hun kha a rawn hring chhuak ta a ni. Hei hi ka nihna dik tak a ni lo," a ti.

Smith-a channa “Emancipation” hi theatre thlan bikah Zirtawpni aṭang hian an pechhuak ṭan dawn a, Apple TV+ ah December 9 aṭangin an pechhuak bawk ang.