Metallica-in hla thar an 'drop', nakkum aṭangin tour nei dawn

American heavy metal band, Metallica chuan kum thar lamah hian album thar leh tour ropui tak hmangin rimawi khawvelah thawm neih an tum. An album thar '72 seasons' hi April 2023-ah tlangzarh a ni dawn a, hetah hian Greg Fidelman, James Hetfield leh Lars Ulrich-te kuthnu kan hmu leh dawn.

Metallica hian 72 seasons album-a an official music video hmasa ber 'Lux AEterna' chu Thawhṭanni khan an tichhuak bawk. Album an tlangzarh thlaah vek hian Europe khawmualpui hrang hrangah tour an nei chhunzawm nghal dawn tih an puang a ni.

Metallica album hnuhnung ber, Hardwired. To Self-Destruct kha kum ruk liam ta khan an tlangzarh a ni. Hemi hnuah, old classics, live album 'San Francisco Symphony'-te an tichhuak leh. An album thar tur, 72 seasons-ah hian hla 12 a awm dawn.