'Forbes 30 under 30' cover-a mihang hmeichhe lang thei hmasa ber, Megan Thee Stallion

American rapper, Megan Thee Stallion chuan mihang hmeichhiate tan bung thar rawn siamin, 'Forbes 30 under 30' cover-ah mihang hmeichhiate zinga chuang hmasa ber a ni.

"Traumazine" hitmaker chuan Thawhlehni khan a thlalak lannate chu social media kaltlangin a rawn pholang a ni.

Business publication-in a tarlan danin, Houston rapper hian royalty, ticket sales, merch leh endorsement kaltlangin kumin chhung hian USD mtd 13 chuang a lalut niin a chhûtsak.

Kum 27 mi chuan, "Ka thih hunah chauh ka chawl ang. Thil ropui tak hlen ka tum. Hetia ka ṭhut mai mai hian ka inti hnual emaw midangin min lehpel na hun ṭha ka siam sak emaw ni tlatin ka inhria," tiin a dam ṭhat phawt chuan engkimah a ṭha thei ang bera thawh chhunzawm zel a tum thu a sawi.

Megan chuan sawi chhunzawmin, "Kum 2022-ah chuan eng thilah pawh pakhatna niha a chung ber dinhmun hauhtu nih a har takzet. Ka rimawi piah lam thlengin thawm neih ka duh a, Megan chu a tum apiang tihlawhtling thei tiha an sawi tur ang kha nih ka tum." tiin album thar tihchhuah a tum thu leh, kum thar lamah world tour neih chhunzawm a tum thu a tarlang. Hei bakah Time Inc. chuan a nundan tarlanna, documentary buaipui turin USD mtd 3 an pe bawk dawn a ni.