Vulmawi Award sem hun a hnai ta!

Vulmawi Award 2022 chu Zirtawpni zan dar 6:45 hian Saikuti Hall, Lunglei-ah sem a ni dawn ta. HPC vice chairman Lawmawma Tochhawng chu khuallian a ni ang.

Tun ṭum Award-ah hian category 22 siam a ni a, category 22 zinga 20 hi mipui thlan chhuah a ni a, category pahnih, Lifetime Achievement Award leh Special Award hi Organising Committee thlan a ni thung. Lifetime Achievement Award hi Rev. H. Killuaia`n a dawng dawn a, Special Award hi Commonwealth Games-a Weight Lifting-a Gold medal la tu, Jeremy Lalrinnunga`n a dawng dawn a ni.

Award sem zan hian Mizorama Top Artist an kim hle dawn a, anni bakah kumina India rama Band ṭha bera an thlan, The Prophets an che ang. Ben Opa`n a thiam thil a show ang a, Mastea`n kalkhawmte a tihlim dawn. Mit titlai tak tak en tur a awm bawk ang. Ticket hi Rs. 100 leh Rs. 200 chauh a ni. Laldingngheti Pautuin a host dawn a ni.