Julianne Hough-in A nu in a lei sak

Rock of Ages star Julianne Hough chuan Nute ni pualin a nu in a leisak.

Julianne Hough hian a nu Marriann chu kumin Nute ni khan surprise-in, in nuam takah a hruai a, chu in chu a lei sak tih hrilh lawk loin, a hmun an thlen hnuah chuan a tana a leisak a ni tih a hrilh chiah a ni.

Instagram-ah a nu in a leisak tih a hrilh lai video hi a post a, Marriann pawh a lawm hle tih a hmuh theih. Marriann chuan a awih theih loh thu leh a beisei phak bak a nih thu a sawi a ni.

Julianne chuan a video post caption-ah chuan a nu chuan thil tam tak a pe tawh a, tunah chuan a dawn let ve a hun tawh tih a ziak bawk.

Julianne Hough hi  ABC Dancing with the Stars-ah ṭum hnih ngawt champion thei a ni a, talent a ngah hle a, a lam thiam bakah hian a zai thiam tel a, lemchang thiam a ni bawk. Kum 2015 leh 2016 khan  Primetime Emmy Award for Outstanding Choreography a dawng a ni.