'Friends' reunion special nipui tawpah chang dawn

'Friends' fan-te'n nghakhlel taka an thlir, hripui leng vanga chan hun tihkhawtlai leh tak 'Friends' reunion special chu nipui zawhah hi chuan chan ṭan a ni tawh mai thei tih WarnerMedia Entertainment chairman Bob Greenblatt chuan a sawi.

Ruahmanna hmasaah kha chuan tun thla ni 27 hian HBO Max tlangzarh rualin en theih tura tihchhuah hman an tum a, mahse hripui lengin khawvel a tibuai a, mahni inah tawm a ngai ta si a, 'Friends' reunion special pawh hi an chan chhunzawm thei ta rih lo a ni.

'The Kelly Clarkson Show'-a a inlan ṭumin Matt LeBlanc chuan an chang ṭan tawh tih a sawi thawi deuh a, mahse Greenblatt chuan tun dinhmunah chuan tihtheih an nei tlem rih hle tih a sawi ve thung.

"A tirah kha chuan thla khat emaw a rei berah thla hnih emaw tih khawtlai a nih kan ring a, mahse tunah chuan huna duh rih deuh dawn niin a lang. Nipui zawhah chuan tihchhuah theih kan inring a, beiseina nen kan tlir a ni, a changtu turte an inlungrual chuan kan chan chhunzawm leh theih ka beisei," tiin Variety a hrilh.

'Friends' reunion special-ah hian Jennifer Aniston, LeBlanc, Courteney Cox, Lisa Kudrow, Matthew Perry leh David Schwimmer-te chu an inlan leh vek beisei a ni.