Kurt Cobain acoustic guitar lilam dawn

Nirvana frontman, Kurt Cobain-a acoustic guitar chu Julien’s Auctions-in lilam a ni dawn tih a sawi.

He acoustic guitar hi 1959 Martin D-18E guitar a ni a, kum 1993 khan MTVUnplugged live session-ah khan a perh a, he programme an hman aṭanga thla nga liam hnuah hian a thi a ni.

Nikum June thla khan Pink Floyd musician David Gilmour-a Fender Stratocaster chu New York-ah $mtd 3.9 a hralh a lo ni tawh a, hei hi guitar lilam tawha hralh to ber a ni nghe nghe.

Cobain-a acoustic guitar hi May 15 hian London-a Piccadilly Circus-a Hard Rock Cafe phochhuah tum a ni a, $mtd 1 vel tala hralh theih an beisei a ni.