Zendaya leh Tom Holland an innei dawn?

Spiderman: No Way Home co-star, Tom Holland leh Zendaya Coleman-te inkarah inneih thawm a rawn ri tlat mai. Lemchanthiam pahnihte hi an inhual tawh niin thuthang a lo awm tawh a, tunah chuan inneih zai an rel dawn niin khawthlang media-te chuan an tarlang.

Kum 26 mi, Zendaya leh kum 26 mi vek Tom-te hi kum 2016-a "Spider-Man: Homecoming" an chan dun aṭang khan an inzui ṭan a, kum 2021 khan mipui hriatah an inngaihzawnna hi an nemnghet chauh thung. An pahnih hian an inkawp dan chungchang hi mipui hmuhah an puang chhuak ngai lo a, tunhnai khan Tom chuan lemchan chawlhsanin chhungkaw din a chak tawh tih a sawi. "Lemchan chawlhsanin kum hnih chhung chu thing mistiri-ah pawh ka ṭang thei a, hun rei tak chawlh lain ka lo kir thei bawk. Hmun dangah kalin, nupui te neiin, fa te kiangah ka damchhung hun ka hmang ral thei tawh a ni," tiin Tom chuan Total Film-in an kawmnaah chhungkaw din a chak tawh thu hi a tarlang.